Në Luzernë të Zvicrës ka nisur sot një takim dyditor lidhur me arritjen e paqes në Ukrainë. Presidentja e vendit, Vjosa Osmani, po merr pjesë në Samitin e Paqes që po mbahet në Bürgenstock, afër Lucernit, në Zvicër.

Ajo është pritur nga presidentja e Zvicrës, Viola Amherd dhe presidenti i Ukrainës, Volodymyr Zelenskyy në Samitin e Paqes për Ukrainën.

Presidenti ukrainas, Volodymyr Zelenskyy, tha gjatë një konference shtypi me presidenten zvicerane Viola Amherd, se në këtë takim do të “shkruhet historia, Rusia nuk merr pjesë.

Flamuri i Kosovës në mesin e flamujve të shteteve pjesëmarrëse në Samitin e Paqes për Ukrainën që do t`i zhvillojë punimet më 15-16 qershor.

Presidentja Osmani e përfaqëson Kosovën dhe do të jetë në mesin e 100 liderëve nga mbarë bota.